حكاوي مرعبة

حكاوي مرعبة

رعب 

في يوم اتصل بيا صديق وقالي انا عامل ليك مفاجأه هتعجبك اوي.. قولت ليه خير.. رد وقال انا هستناك عندي في البيت علي الساعة 10 با الليل نسهر وكمان عشان المفاجأه انت مش واخد اجازة من الشغل وقعد فاضي ...قولت ليه خلاص انا هكون عندك الساعة 10 ...وفعلا رحت عند صديقي اسمه اشرف في المعاد الي اتفقنا عليه وانا طالع في الاسنسير بفكر هو ماله اشرف متحمس ليه كده وصلت علي باب الشقه سمعت صوت عالي وناس بتضحك رنيت الجرس فتح اشرف واول ما دخلت لقيت 4 شباب نفس عمرنا دخلت واتعرفت عليهم.... اشرف بيقولهم ده صديقي الي قولت ليكم عليه صديق الشيخ منصور الروح با الروح اسمهم احمد وكريم و اسعد وعادل... صديقي اشرف قال ليا كل واحد فيهم عنده حكايه عن الجن والعفريت وانت بتحب الحكايات دي قولت اعملها ليك مفاجأه كل واحد فيهم يقول حكايته واحنا سهر ونسمع.... احمد قال انا اول واحد هقول حكايتي قولت ليه احكي احمد بيقولي انا خريج سياحه وحلم عمري اني لما اتخرج اسافر الشتغل بره ليا عمي كميائي متجوز وعايش بره من حوالي 15 سنه عايش في امريكا وكان موعدني لما اتخرج هيجبني اشتغل في امريكا المهم اتصلت بيه ورحب بفكرت السفر وبعد الحاح علي بابا وافق عشان كمان بيثق في عمي وفي يوم اتصل بيا عمي وقالي انا ليا صديق شريك في فندق وكلمته... والراجل وافق هبعت ليك تأشيرت السفر ...كان يوم سعدي لما سمعت الكلام ده سافرت امريكا وعمي كان في استقبالي في المطار رحت معاه البيت اكلت واتكلمت شويه معاه ومعا اولاده ومراته تعرفت عليهم كويس ودخلت نمت فيلا صغيره دورين 6 غرف وكان من نصيبي غرفه في الدور الاول وفيها حمام... ممكن دي مخصصه للضيوف عشان يبقي برحته... تاني يوم راحت معا عمي عند صديقه علي الفندق فندق شكله قديم بس كبير جدا 7 الدوار وعرفت بعد كده ان كل دور فيه 40 غرفه ...وعرفت كمان ان 3 رجال اعمل اشتروا الفندق ده عن طريق البنك كان محجوز عليه ومقفول من حولي 35 سنه صاحب الفندق مات وساب ديون والبنك كان واخد الفندق ومافيش حد كان عايز يشتريه سعره كان غالي...وكان عايز صيانه كتير ...
المهم... استلمت الشغل وانطلب مني اني انضف الغرف كلها الي في الدور التاني وكان في بنت دي زمالتي في الشغل اسمها جوليا اشتغلت وكنت فرحان اوي ان بدأت احقق حلمي... اسبوع واطلب مني اني اشتغل با الليل عشان راس السنه قرب... الفندق هيكون اول يوم يفتح ابوابه بعد الوقت الطويل ده يوم راس السنه ورحت علي الساعة 8 با الليل واستلمت الشغل وكان مطلوب مني اني اطلع علي الدور 7 عشان الدورده قاعة حفلات خاصه ولازم تتنضف
 جوليا اتصلت بيا وقالت انها هتتأخر شويه اخدت كل ادوات ورحت علي الاسنسير ....وطلعت علي الدور 7 اول مافتحت الباب حسيت ان الجو تلج وهواء ساقع ...وريحة تراب دخلت الممر وعلي الجمبين غرف بعض اللمض عايزه تتغير شويه ...والاسنسير نزل لغيت الدور 6 والنور قطع قولت اتصل علي اللسلكي مافيش اي اشاره وبعده سمعت صوت حد بيتكلم ...بس مش فاهم منه حاجه.. وناس بتتحرك حواليا و...حد قرب مني وبيقولي انقذني انا بموت كل الي هنا ماتوا كلهم والدم في كل حته ...كان صوت راجل عجوز انا واقف مرعب جسمي كله بيترعش مش عارف اعمل حاجه ولا قادر حتي اتنفس ...انا بموت صوت حد بيضحك وصوت موسيقه وصوت ناس بتصرخ وبكاء اطفال ومره واحده ايد حد زي التلج لمست ايدي وحاسس بأنفسه زي النار وصوت بنت بتقولي اهرب قبل ماتموت خوف ورعب دموع نزله من عيوني هو ده حالي شويه سمعت صوت الاسنسير بيرجع تاني للدور 7 والنور بيرجع تاني وفي اخرالمامر في طفل جري ودخل في الحايطه واختفه
 دخلت جوه الاسنسير ونزلت الدور الاول ووقعت اول ما باب الاسنسير اتفتح فاقد الوعي ولما رجع ليا تاني الوعي لقيت نفسي في المستشفي فاقد النطق ...وبعد شهر حالتي رجعت زي الاول وقولت لي عمي عن الي حصل وعرفت بعد كده حكاية الفندق ده ايه كان في طباخ شغال في الفندق واتعرف علي بنت صاحب الفندق ....وكان في مابنهم علاقه غراميه لكن ابوها رفض فكرت الارتباط بي الطباخ وهي كمان معا الوقت اقتنعت با كلام ابوها واتخطبت من رجل اعمال وفي يوم الخطوبه الطباخ اشترا بعض انوع الاسلحه وطلع الدور7 مكان الحفلات الخاصه وقتل كل الضيوف وقتل حبيبته والعريس وبعد كده انتحر وساب رساله وقال فيها هو الي عمل كده انتقام لنفسه ولقلبه الي انكسر...  ومن يوم الحدثه والفندق مقفول وانا كنت اول واحد يطلع الدور7 بعد ما اتقفل الفندق تمت حكاية احمد لكن لسه في3 مافيش حد فيهم قال حاجه اعجاب.