شبــح زوجتي سندس الجزء الثاني

شبــح_زوجتي_سندس الجزء الثاني

الجزء الاول
الجزء الثالث


فضلت كل يوم اكلمها وتكلمني بحجة اي حاجة .وكنت ساعات بعدي عليها في المحل اوصلها .واتحول الاعجاب لحب ثم عشق ملوش زي. حبينا بعض اوووي اوي وطلبت منها الجواز وكانت طايرة من الفرحة. وروحت في يوم عندي في الفيلا صارحت بابا وماما وللاسف لقيت رد فعل شنيع منهم. 
ازاي تخطب واحدة فقيرة زي دي واهلها ناس علي اد حالهم
 قولت لـ بابا: بص انا ميهمنيش فقيرة ولا غنية انا يهمني اني بحبها وهي بتحبني
 ماما قالتلي: لو اتجوزت البنت دي انا مش هعرفك تااااااني واخويا الوحيد اللي كان مقتنع بكلامي بس مش قادر يقول حااااجة خايف أحسن يتحرم من الفلوس الكتير اللي بياخدها .
طلعت اوضتي وكلمت سندس في التليفون وانا منهار 
وقالتلي: لازم تشوف حل انا بحبك يا بحر اوووي بس الفرق المااااادي اللي بيني وبينك هو السبب انا فقيرة وانت غني.

الجن

قولتلها :انا ميهمنيش الفرق ده يا سندس
 قالتلي: انا عارفة انك بتحبني اد ايه بس باباك ومامتك عمرهم ما هيوفقوا بيا.
 قفلت معايا التليفون وانا بقيت محتار مش عارف اعمل ايه نمت شوية حلمت بسندس وواحد ضخم جدا ماسكها دبحها وشايفها في الحلم لابسة فستان الفرح وكله غرقان دم قومت مفزوع من النوم اتصلت اطمنت عليها وانا مخضوض.
 قالتلي: في ايه 
محبتش طبعا احكيلها الكابوس المفزع ده 
قولتلها: انا بطمن عليكي بس وانا هنزل دلوقتي ل بابا و ماما اشوف معاهم حل. قفلت معاها ونزلت لقيتهم قاعدين 
قولتهم: بصوا بقي قسما بالله انا لو ما اتجوزت سندس هضرب نفسي بالنار
 وروحت مطلع الطبنجة بتاعتي حطيتها علي دماغي
 ماما قامت تصرخ 
وبابا قعد يقولي :انت مجنون في حد يعمل في نفسه كده ده انا ربيتك وعلمتك وخليتك ظابط اد الدنيا شيل المسدس ده وبلاش حركات العيال دي
 قولتلوا: بابا لو متجوزتش سندس انا هموت نفسي انا مبهزرش
 وبعد محاولات وتحايلات وافقوا علي اننا نتجوز كنت طاير من الفرحة اخيرا هتجوز اللي بحبها وفعلا حضرنا كل حاجة وعملنا مراسم كتب الكتاب والدخلة وكان الكل فرحان بينا ما عدا بابا وماما طبعا اه كانوا واقفين بس غصب عنهم .خلص الفرح وروحنا علي الفيلا لاني طبعا بابا اصر اني اقعد معاهم بالرغم اني كنت هشتري فيلا بره بس اصر 
وقالي :انت متسبناش بعد العمر ده وتعيش برة
 ودخلنا الفيلا كلنا شيلت سندس طلعت بيها السلم وكانت اميرة بجد ملكة في زمانها السعادة كانت بتنط من قلوبنا دخلنا اوضة نومنا كانت اجمل واحلي اوضة في الفيلا وجهزتها من كل شئ نزلتها وبوستها في دماغها وهي باست ايدي لحظة متتوصفش عمري ما انساها ابدا
 قالتلي: انا هدخل الحمام
 قولتلها: خلاص وانا هغير هدومي دخلت الحمام بفستانها الجميل وقفلت الباب وانا غيرت هدومي وجهزت عصير وقلبي كان بيطنطط من الفرحة غابت جوة الحمام حوالي نص ساعة انا ابتديت اقلق خبطت عليها سندس سندس انتي كويسة ردي عليا مردتش بقيت ارزع علي الباب برضو ملهاش اي حس ابتديت اكسر الباب لحد ما دخلت لقيت ابشع منظر شوفته في حياتي 
السعادة اللي كنت فيها اتحولت لحزن وكابوس مفزع لقيت سندس مدبوحة وهي لابسة فستان فرحها ونايمة في البانيو غرقانة في دمها.
 انا جاتلي حالة هستريا بقيت اضحك واصوت وازعق واقول اه اه اه من قلبي
 جريت عليها سندس ردي عليا يا حبيبتي اه يا ربي انا عملت ايه عشان تعمل فيها كده لقيت بابا وماما واخويا جريوا عليا دخلوا الحمام شافوا المنظر والدم مغرق المكان كله ماما اغمي عليها وبابا واخويا جريوا عليا مش مصدقين المنظر البشع اللي انا فيه بقيت  في حضنها ودمها كله مغرق وشي وهدومي ليلة الدخلة اتحولت لي ليلة من الفزع ليلة من الوجع ليلة الموت قعدت اقول انا عايز اموت معاها انا مش هسيبها 
بابا قالي: قوم يابني بس تعال. الشرطة والنيابة كلمتهم وجايين دلوقتي
 طلعوني بره بالعافية وشالوا ماما من الحمام كانت فاقت قعدت تحضني وتعيط واخويا يعيط جت الحكومة عاينوا المكان وسالوني كام سؤال حكتلهم كل حاجة والظابط اللي بيحقق في الموضوع ظابط زميلي ودفعتي قالي يا بحر انا مش هسيب حقك بعد المعاينة اتاكدوا ان في حد دخل من شباك الحمام وهو اللي عمل كده في سندس.
 طب ليه ومين لي مصلحة يعمل كده دي سندس ملاك عمرها ما اذيت اي حد كنت هتجنن وجت الاسعاف شالتها وانا ركبت معاهم وعربيات الشرطة والنيابة كلها ورانا وطبعا في اهتمام لاني ظااااابط ووالدي لواء روحنا المشرحة والمعاينة المبدئية اكدت في جرح قطعي من اول الرقبة لاخرها والنيابة خدت اقوالي تاني في المستشفي وقالولي احنا عارفين ان حالتك متسمحش بالاستجواب بس ساعدنا عشان نجيب اللي عمل كده بسرعة حكيت كل حاجة من الاول للاخر وانا منهار واتقفل المحضر وقبضوا علي كل طقم الحراسة بتاعت الفيلا.